विसाव्या शतकात भारतीय वस्त्रोद्योगात मुख्यत्वे सूती व इतर नैसर्गिक तंतूंचे वर्चस्व होते. स्वदेशी नायलॉन उत्पादनाचा प्रवेश भारतीय बाजारपेठेत १९६०च्या सुमारास झाला. गरवारे समूहासारख्या उद्योजकांनी सुरुवातीला धोके पत्करून स्वदेशी उत्पादनाचा पाया रचला आणि तांत्रिक कौशल्य निर्माण केले. २०व्या शतकात भारतात नायलॉन आणि नायलॉन धाग्यांच्या उत्पादनात सेंचुरी एन्का लिमिटेड, गरवारे नायलॉन्स लिमिटेड, गुजरात स्टेट फर्टिलायझर्स अँड केमिकल्स लिमिटेड (GSFC), थापर समूहाची   जेसीटी लिमिटेड, वेल्स्पन सिंटेक्स अशा प्रमुख कंपन्यांचे योगदान होते. तसेच, अनेक लहान व प्रादेशिक कंपन्यांनीही एकूण उत्पादनात सहभाग दिला.